धनुषा ४ मा कांग्रेसका यादवभन्दा एमालेका महासेठ ७ सय मतले पछाडि

११ मंसिर, काठमाडौं । प्रतिनिधिसभा अन्तर्गत धनुषा क्षेत्र नं. ४ मा जारी मतगणनामा नेपाली कांग्रेसले फेरि अग्रता लिएको छ । पछिल्लो मतपरिणाम अनुसार नेपाली कांग्रेसका सह–महामन्त्री महेन्द्र यादवले नेकपा (एमाले)का सचिव रघुवीर महासेठलाई ७ सय २२ मतले पछि पारेका छन् ।

यादवले २७ हजार ४ सय २३ मत ल्याएका छन् भने महासेठले २६ हजार ७ सय १ मत पाएका छन् । धनुषाका अन्य ३ वटा निर्वाचन क्षेत्रको मत परिणाम सार्वजनिक भईसकेको छ ।