एकीकृत समाजवादीले सत्ता गठबन्धनलाई निरन्तरता दिने

१३ मंसिर, काठमाडौं । नेकपा (एकीकृत समाजवादी)ले जारी सत्ता गठबन्धनलाई निरन्तरता दिने निर्णय गरेको छ । चुनावी परिणामबारे छलफल गर्न मंगलबार बसेको सचिवालयको बैठकले गठबन्धनलाई कायम राखेर अगाडि बढ्ने निर्णय गरेको एकीकृत समाजवादीका प्रचार विभाग प्रमुख जगन्नाथ खतिवडाले बताए ।

निर्वाचन परिणामले गठबन्धनको बहुमत पुग्ने देखिएको निस्कर्षसहित निरन्तरता दिने निर्णय लिएको उनले बताए । प्रतिनिधि र प्रदेशसभा निर्वाचन परिणाम चित्त बुझ्दो रहेको र चुनाव परिणामको गहन समीक्षा गर्न छिट्टै पार्टीको बैठक बस्ने उनले बताए ।