थापाथलीका सुकुम्बासीको पक्षमा उभिए ओली

१३ मंसिर, काठमाडौं । नेकपा (एमाले)का अध्यक्ष केपी शर्मा ओलीले थापाथलीस्थित बागमती किनारामा रहेका सुकुम्बासी हटाउन काठमाडौं महानगरपालिकाले थालेको कदमको विरोध जनाएका छन् ।

काठमाडौं महानगरपालिकाका मेयर बालेन साहतर्फ लक्षित गर्दै अध्यक्ष ओलीले चुनाव जितेर आएकाहरुले थापाथलीका सुकुम्वासीलाई शत्रु सरह व्यवहार गरेको बताए ।

मंगलबार राष्ट्रिय जनसांस्कृतिक महासंघ नेपालको बधाई तथा शुभकामना कार्यक्रममा उनले सुकुम्बासी बस्तीमा डोजर चलाउनु उचित नभएको टिप्पणी गरे । काठमाडौं महानगर पालिकाले अवैध संरचना बनाएर बसिरहेका मानिसहरुलाई हटाउन सरकारले सहयोग नगरेको गुनासो गर्दै आएको छ ।

बस्ती हटाउन ३५ दिने सूचना जारीपछि पनि बस्तीबाट हटन नमानेपछि महानगरले नगरप्रहरीसहितको टोली डोजर लिएर सोमबार बस्तीमा पुग्दा त्यहाँका मानिसहरुले खुकुरी, भाला, लाठी बोकेर प्रतिकार गरेका थिए छ । प्रतिकारबाट महानगर तीन दर्जभन्दा बढी प्रहरी घाइते भएका थिए । बस्ती हटाइ छाड्ने महानगरको भनाइ छ ।

बस्तीमा रहेका बास्तविक सुकुम्वासी पहिचान गरी तिनीहरूलाई अन्यत्र सार्ने याेजनामा रहेकाे महानगरले बताउँदै आइरहेकाे छ ।

महानगर मेयरमा स्थानीय तहको निर्वाचनमा स्वतन्त्रबाट चुनाव जितेका बालेन्द्र साह छन् ।