निहारिकाको मुद्दामा उच्च अदालत जनकपुरमा सुनुवाइ सुरू
नेपालबहस संवाददाता
मंसिर १४, २०७९ बुधबार २२:१२:१०
१४ मंसिर, काठमाडौं । सोनाली कुमारी सिंह राजपुत ‘निहारिका’को मुद्दामा उच्च अदालत जनकपुरका न्यायाधीशद्वय भोजराज अधिकारी र डालकुमार खड्काको संयुक्त इजलासमा बुधबार मुद्दाको सुनुवाइ भइरहेको छ ।
आफूलाई जबर्जस्ती करणी गरी गर्भवती बनाएको भन्दै निहारिकाले प्रेमी शिवराज श्रेष्ठमाथि धनुषा जिल्ला अदालतमा जबर्जस्ती करणीको कसुरमा मुद्दा दर्ता गराएकी थिइन् । बच्चासमेत जन्मिसकेको अवस्थामा धनुषा जिल्ला अदालतले तत्कालिन समयमा आपसी सहमतिमै यौनसम्बन्ध स्थापित भएको देखिएको र आपसी सहमतिको यौनसम्बन्धलाई बलात्कार भन्न नमिल्ने भन्दै प्रतिवादी शिवराज श्रेष्ठलाई सफाई दिएपछि श्रेष्ठ जेलमुक्त भएका थिए । उनले बच्चा आफ्नो जिकिर गर्दै आइरहेका छन् ।
त्यसबेला अदालतले नाता कायमका लागि अर्कै कानुनी प्रक्रियामा जानसमेत आदेश दिएको थियो । पछि जिल्ला अदालतको फैसलामा असन्तुष्टि जनाउँदै निहारिकाले काठमाडौंमा अनसन समेत बसी ‘न्याय’को माग गरेकी थिइन् । उनले आफूमाथि अन्याय भएको भन्दै राष्ट्रपति कार्यालय शितलनिवास अगाडि शरीरमा पेट्रोल खन्याएर आत्मदाहको प्रयाससमेत गरेकी थिइन् । त्यसपछि सरकारसँग वार्ता गरी प्रतिवादी शिवराज श्रेष्ठ र निहारिकाबाट जन्म भएको बालकको डिएनए टेष्ट गराउन सहमति गरिएको थियो ।
निहारिकाको अनसनताका नै सरकारी वकिल कार्यालय मुद्दा पुनरावेदनका लागि उच्च अदालत जनकपुरमा पुगिसकेको थियो ।
सरकारी वकिलले उच्च अदालत जनकपुरमा प्रतिवादी र बालकको डीएनए म्याच गराउन राष्ट्रिय विधिविज्ञान प्रयोगशाला, खुमलटारमा पठाउँदा डीएनए म्याचिङ अर्थात मिलेको थियो । डीएनए मिलेपछि आज नाता कायम सम्बन्धमा उच्च अदालतमा उक्त मुद्दामाथि सुनुवाइ जारी छ । बहस सकिए आजै फैसला आउने संभावना प्रवल रहेको बताइएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपएनआरएन विवादमा मिसिल झिकाउने आदेश
भदौ ३१, २०८१ सोमबार
नदी किनारमा २० मिटर मापदण्डबारे सरकारले दर्ता गरायो सर्वोच्चमा भ्याकेट निवेदन
भदौ ३१, २०८१ सोमबार
प्रतिवेदन अनुसार रविलाई कारवाही भए चार वटा मुद्धा चल्ने
नेपालबहस संवाददाता
असोज १, २०८१ मंगलबार
संवैधानिक परिषदमा प्रचण्डको अस्वाभाविक बार्गेनिङ !
नेपालबहस संवाददाता
असोज १, २०८१ मंगलबार
डीएसपी सरुवाः इन्चार्जमा ३० सीट तर सयभन्दा बढीको दावी
नेपालबहस संवाददाता
भदौ ३१, २०८१ सोमबार
कांग्रेसको सय दिने अभियानमा जिल्ला जाने प्रतिनिधिलाई सानेपामा आज प्रशिक्षण
असोज २, २०८१ बुधबार
रुसमा जन्मदर घटेपछि कामको बीचमा शारीरिक सम्बन्ध बनाउन पुटिनको अपिल
असोज २, २०८१ बुधबार
कस्तो छ आजको मौसम ?
असोज ३, २०८१ बिहिबार
कस्तो छ आजको विदेशी मुद्राको विनिमय दर ?
असोज ३, २०८१ बिहिबार
एकदिवसीय क्रिकेटमा दक्षिण अफ्रिकामाथि अफगानिस्तानको पहिलो जित
असोज ३, २०८१ बिहिबार
पितृ पक्षमा यस्ता संकेत देखिनु अशुभ, भूलवश पनि नगर्नुहोस् बेवास्ता !
असोज ३, २०८१ बिहिबार
मौलिक हकको अक्षरशः कार्यान्वयनमा उपराष्ट्रपति यादवको जोड
असोज ३, २०८१ बिहिबार