डेढ सातापछि मेलम्चीको पानी काठमाडौं आइपुग्दै

१४ मंसिर, काठमाडाैं । बन्द रहेकाे मेलम्चीकाे खानेपानी यही मंसिर २७ गतेसम्ममा मेलम्चीको पानी वितरण गरिने दाबी गरिएकाे छ ।बुधबार मेलम्ची खानेपानी आयोजनाको कार्यप्रगती बुझ्न मुहानस्थल अम्बाथान पुगेका खानेपानीमन्त्री उमाकान्त चौधरीले मंसिर २७ गतेभित्र काठमाडौँमा पानी वितरण सुरु गरिने बताए ।

गत जेठ दोस्रो सातादेखि बन्द गरिएको मेलम्चीमा गएको सोमबारदेखि सुरुङमा पानी हाल्न थालिएको छ। पानी सुरुङमा हालेको करिब १० देखि १२ दिनपछि काठमाडौँ पुग्ने मेलम्ची खानेपानी आयोजनाले जनाएकाे छ ।