बाजुरामा मतगणना सुरु, कसले मार्ला बाजी ?

१५ मंसिर, काठमाडौं । बाजुरामा प्रतिनिधिसभा र प्रदेशसभाको मतगणना सुरु भएको छ। मतगणना अहिले दिउँसो साढे ३ बजेबाट सरु हुने भनिए पनि केहि समय ढिला सुरु भएको छ ।

मुख्य निर्वाचन अधिकृतको कार्यलय बाजुराले बोलाएको सर्वदलीय बैठकमा साढे ३ बजेबाट मतगणना गर्ने सहमति भएकाे थियो ।

मुख्य निर्वाचन अधिकृतको कार्यालयले बाजुरामा बिहीबार बिहान ११ बजे तेस्रो पटक बोलाएको सर्वदलीय बैठकमा मुख्य दलमध्येका एक नेकपा (एमाले) सहभागी भएपछि मतगणना सुरू भएको हो । मतगणनास्थलमा तारजाली लगाइएकाे छ ।

यहाँ अपवादबाहेक ४ मंसिरमा निर्वाचन भएकाे थियाे । बुढीनन्दा नगरपालिका-५ काे केही मतदान केन्द्रमा भने पुनः १० मंसिरमा पुन: मतदान भएकाे थियाे ।

बाजुरामा सत्ता गठबन्धनको साझा उम्मेदवार नेपाली कांग्रेसका बद्रि पाण्डे र नेकपा (एमाले)का कर्णबहादुर थापाबीच कडा प्रतिस्पर्धा हुने अनुमान गरिएको छ ।