स्याङजा २ मतगणनाः धनराज गुरुङको अग्रता कायमै

१५ मंसिर, स्याङ्जा । स्याङ्जा क्षेत्र नं. २ को प्रतिनिधिसभा सदस्यको मगणनामा सत्ता गठबन्धनका उम्मेदवार नेपाली कांग्रेसका धनराज गुरुङले अग्रता कायम राखेका छन् । बिहीबार जारी मतगणनामा पछिल्लोपटक अग्रता बढाउँदै लगेका छन् । उनले सुरूवातीदेखि नै अग्रता लिइरहेका छन् ।

गुरुङले ७ हजार ९ सय ६ मत ल्याउँदा निकटतम प्रतिद्वन्द्वी नेकपा (एमाले) की उम्मेदवार पदमाकुमारी अर्यालले ५ हजार ८ सय ६३ मत प्राप्त गरेकी छन् । गुरुङ र अर्यालबीचको मतान्तर २ हजार ४३ रहेको छ ।

राष्ट्रिय स्वतन्त्र पार्टी टिकराज गुरुङले अर्याललाई पछ्याइरहेका छन् । प्रतिस्पर्धी उम्मेदवारहरूबीच बुथ क्याप्चरकाे आराेपप्रत्याराेप चलेका कारण मतदान भएकाे ११ दिनपछि बल्ल बुधबार रातिबाट मतगणना सुरू भएकाे हाे ।