मुचुल्काबमाेजिम मतपत्र नहुँदा बाजुराकाे मतगणनामा विवाद

१६ मंसिर, बाजुरा । मतदान भएको १२औँ दिनमा थालिएको बाजुराको मतगणनामा विवाद भएकाे छ । यसबाट अहिले मतगणना रोकिएको छ । बिहीबार साँझबाट थालिएको मतगणना शुक्रबार पुनः मुचुल्काभन्दा बढी मत देखिएपछि प्रतिनिधिसभातर्फको गणना रोकिएको हो ।

हिमाली गाउँपालिका-६ धिमस्थित मतदान केन्द्रको मतगणनाका क्रममा मुचुल्काभन्दा बढी ४० मत देखिएपछि गणना रोकिएको हो ।

मतगणनाको पछिल्लो अपडेटअनुसार प्रतिनिधिसभातर्फ सत्ता गठबन्धनकाे साझा उम्मेदवार कांग्रेस बद्री पाण्डेले ५ हजार ४ सय १९ मत ल्याएर अग्रता लिइरहेका छन् । उनलाई एमाले उम्मेदवार कर्णबहादुर थापाले ४ हजार १२९ मतसहित पछ्याइरहेका छन् ।

बाजुरामा कुल मतदात ८३ हजार ५ सय ६७ रहेकोमा प्रतिनिधिसभातर्फ ५९ हजार ७६५ मत खसेको छ ।