दोलखामा माओवादी केन्द्रका गंगा कार्की १४०० मतान्तरले अगाडि

१६ मंसिर, चरिकोट । दोलखामा प्रतिनिधिसभा सदस्यमा सत्ता गठबन्धनको समर्थन पाएका नेकपा (माओवादी केन्द्र)का उम्मेदवार गंगा कार्की ‘विश्व’ले एमालेका उम्मेदवारलाई पछाडि पार्दै मतान्तर बढाउँदै लगेका छन् ।

पछिल्लो मतगणना परिणामअनुसार माओवादी केन्द्रका गंगा कार्कीले ४ हजार १ सय ११ सय १८ मत प्राप्त गरेका छन् । उनका निकटतम प्रतिद्वन्द्वी एमालेका बालकृष्ण शिवाकोटीले २ हजार ६ सय ७५ मत प्राप्त गरेका छन् । अहिले कालिन्चोक गाउँपालिका-१ स्थित बेगुम्पा केन्द्रको मत गणना भइरहेकाे छ ।

यस्तै यस क्षेत्रको प्रदेशसभातर्फ (क)मा सत्ता गठबन्धनबाट उम्मेदवार नेपाली कांग्रेसका कुन्दनराज काफ्ले तथा प्रदेशसभा (ख) मा एमालेका भरत केसीले अग्रता लिएका छन् । यहाँ १४ राजनीतिक दलका र सात स्वतन्त्र गरी २१ उम्मेदवार चुनावी मैदानमा प्रतिस्पर्धी छन् ।