स्याङजा २ को (ख)मा एमालेका उम्मेदवार अग्रता बढाउँदै

१६ मंसिर, काठमाडौं । स्याङजा क्षेत्र नं. २ को प्रदेशसभा (ख)मा नेकपा (एमाले)का उम्मेदवार बुद्धिमान श्रेष्ठले अग्रता कायम राखेका छन् । उनले सुरूवातीदेिख नै अग्रता लिइरहेका छन् ।

पछिल्लो मतगणनाअनुसार श्रेष्ठले एक हजार २१५ मत ल्याउँदै कांग्रेसका भट्टराई ले जम्मा ३ सय २ मत पाएका छन् । मत गणना जारी छ । यहाँको प्रतिनिधिसभातर्फ भने नेपाली कांग्रेसका उम्मेदवार पार्टी उपसभापति धनराज गुरुङले सुरुवातीदेखि नै अग्रता लिइरहेका छन् । उनलाई एमालेका उम्मेदवारले पछ्याइरहेका छन् । गुरुङ सत्ता गठबन्धनमा आवद्ध दलहरुको समर्थन छ ।

यता प्रतिनिधिसभातर्फ एउटै निर्वाचन क्षेत्र रहेको दोलखामा पनि प्रतिनिधिसभातर्फ माओवादी केन्द्रका गंगा कार्की र प्रदेशसभा (क)मा कांग्रेसका कुन्दनराज काफ्लेले अग्रता लिइरहेका छन् । प्रदेशसभा (ख)मा भने एमालेका उम्मेदवारले अग्रता लिइरहेका छन् ।