काभ्रेमा ३२ हजार मत बदर, महिला मतदाता कम सहभागी

१६ मंसिर, धुलिखेल । हालै सम्पन्न प्रतिनिधिसभा तथा प्रदेशसभा सदस्य निर्वाचनमा काभ्रेपलाञ्चोकमा ३२ हजार चार सय ५५ मत बदर पाइएको छ ।

यहाँ प्रत्यक्ष तथा समानुपातिक दुवैतर्फ तीन दशमलव सात प्रतिशत मत बदर भएको छ । काभ्रेमा तीन लाख १० हजार ६३ मत संख्या रहेकोमा एक लाख ८७ हजार तीन सय ३० मत खसेको थियो ।

जिल्ला निर्वाचन अधिकृत उमेशकुमार राईले दुवैतर्फ गरी ८६ हजार चार सय ६२ महिला तथा एक लाख ८  हजार ६८ पुरुष मतदाता मतदानमा सहभागी भएका बताए ।