टस हारेर पहिलो ब्याटिङ गरेको नेपालले स्कटल्याण्डलाई दियो १३७ रनको लक्ष्य

१८ मंसिर, काठमाडौं । आईसीसी पुरुष क्रिकेट वर्ल्ड कप लिग-२ मा नेपालले स्कटल्याण्डसामु जीतका लागि १ सय ३८ रनको लक्ष्य दिएको छ । विन्डहोक मैदानमा जारी खेलमा नेपालले टस हारेर पहिलो ब्याटिङ गर्दै सबै विकेट गुमाएर १ सय ३७ रनको लक्ष्य प्रस्तुत गरेको हो ।

नेपालका लागि गुल्सन झाले सर्वाधिक २९ रन बनाए भने ज्ञानेन्द्र मल्लले २५ रन, अर्जुन साउदले १८ रन तथा कप्तान रोहित पौडेलले १७ रनको योगदान दिए

स्कटल्याण्डका लागि क्रिस सोलले ३ विकेट तथा मार्क वाटले २ विकेट लिए । हाल लिगमा नेपाल २१ खेलबाट १८ अंक बटुल्दै पुछारबाट दोस्रो स्थानमा रहेको छ । स्कटल्याण्ड २९ खेलमा ४२ अंक बटुल्दै दोस्रो स्थानमा छ ।