नगरप्रमुख महताेकाे निर्देशनमा विद्यालयद्वारा दर्जन बढी विद्यार्थी निष्कासन

१९ मंसिर, महोत्तरी । जिल्लाको गौशाला नगरपालिकाका नगरप्रमुख दिपेन्द्र महतोले यहाँस्थित एक माविबाट विद्यार्थीलाई निकालिदिएका छन् । विषगत शिक्षकको अभाव भएको भन्दै शिक्षक माग गरेका दर्जन बढी विद्यार्थीलाई प्रमुख महतोले विद्यालयबाटै निष्कासन गरिदिएका हुन् ।

उनले गौशालास्थित राष्ट्रिय माध्यमिक विद्यालयमा अध्ययनरत विद्यार्थीलाई प्रधानाध्यापकसँगको मेलिमतोमा निष्कासन गरेका हुन् । शिक्षक नहुँदा माविमा शैक्षिक सत्र सुरु भएदेखि नियमित पठनपाठन समेत हुन सकेको छैन । यही कारण विद्यार्थीहरूले शिक्षक ल्याउन माग गर्दै आएका छन् ।

विद्यालयमार्फत प्रमुखसँग शिक्षक माग गर्दा समेत बेवास्ता गरेपछि विद्यार्थीले नाराबाजीसहित प्रर्दशन गरिरहेका थिए । विद्यार्थीहरूले गौशाला–औरही सडकखण्डमा पर्ने विद्यालयको गेट अगाडि आइतबार चक्काजाम गरेर प्रदर्शन गरेका थिए ।

तर आफूविरुद्ध नाराबाजी गरेको आरोप लगाउँदै नगरप्रमुख महतोले उनीहरूलाई धरपकड गर्न निर्देशन दिँदै प्रदर्शनमा उएिका विद्यार्थीलाई सामूहिक निष्कासन गरे ।

विद्यार्थीको माग सम्बोधन गर्नुको सट्टा उनीहरूलाई विद्यालयबाटै निष्कासन गर्नुलाई अभिभावकहरूले नगरप्रमुख महतोको निरंकुशताको संज्ञा दिएका छन् । विद्यार्थीहरूकाे माग तत्काल पूरा गरी निष्कासित विद्यार्थीलाइ तुरून्त पठनपाठमा फर्काउन माग गरे ।

आफूहरुले अन्तिम परीक्षा आउनै समय नजिकै आउँदा समेत शिक्षकको व्यवस्था नगरिदिँदा समस्या भएको कक्षा ८ मा अध्यनरत सरिता महतोले बताइन् ।

प्रमुख महताले विद्यालय र विद्यार्थीलाई सधै. झूठो आश्वासन मात्रै देखाएको विद्यार्थीहरुको भनाइँ छ । ‘हाम्रो भविष्यमाथि खेलबाड गरेपछि आन्दोलनमा जान बाध्य भएको हो’ एक विद्यार्थीले भने । शिक्षक पदपूर्ति नभएसम्म आन्दोलन कायम राख्ने उनीहरुको भनाइ छ । विद्यालय व्यवस्थापन समितिका अध्यक्ष देवेन्द्र यादव छन् ।

यता, शिक्षाविद्हरूले महतोको निर्णयप्रति आपत्ति जनाएका छन् । महतोको कदम पुर्णरुपमा पूर्वाग्राही र निरङकुशताको पराकाष्ठा भएको उनीहरूको भनाइ छ ।
मानवअधिकारवादीहरूले पनि महतोको कदम गलत भएको निष्कर्ष निकालेका छन् । अधिकारवादी अजय साहले महतोले विद्यायार्थीको अधिकार मात्र हैन लोकतन्त्रको नै उपहास गरेको आरोप लगाए ।

विद्यार्थीहरूले शिक्षक अभावमा पढ्न नपाइरहेको गुनासो बढिरहेको बेला सोही विद्यालयमा दुई दिनअगाडि महतोको योजनामा भोजभतेर समेत चलाएको पाइएको छ ।

सेवा निवृत्त शिक्षकहरूको समूह गठन गर्ने नाममा शनिवार विद्यालय परिसरमा भोजभतेर गरेर फोहोर बनाए स्थानीयको आरोप छ । विद्यालयजस्तो ठाउँमा महतोकै निर्देशनमा भोजभतेर गरिएको भन्दै स्थानीयले विरोध जनाएका छन् ।