माटोको ढिस्कोले पुरिएर युवतीको ज्यान गयाे

१९ मंसिर, धनगढी । कञ्चनपुरमा माटोको ढिस्कोले पुरिएर एक युवतीको मृत्यु भएको छ। जिल्लाको बेदकोट नगरपालिका-२ जडेपानीकी २२ वर्षीया राधाकुमारी रावलको माटोको ढिस्कोले पुरिएर मृत्यु भएको हो ।

घर लिपपोतका लागि सोमबार बिहान माटो लिन गएकी रावलको उपचारका क्रममा मृत्यु भएको हो ।

माटोको ढिस्कोले पुरिएर घाइते भएकी उनको उद्धार गरी स्थानीयले महाकाली प्रादेशिक अस्पतालमा पुर्याएका थिए। तर, उपचारका क्रममा उनको अस्पतालमै मृत्यु भएको प्रहरीले जनाएको छ।