लालु यादवलाई छोरी रोहिणीले दिइन् मिर्गौला, प्रत्यारोपण सिंगापुरमा

२१ मंसिर, नयाँ दिल्ली । राष्ट्रिय जनता दलका नेता तथा भारतीय राज्य विहारका पूर्वमुख्यमन्त्री लालुप्रसाद यादवको मिर्गौला प्रत्यारोपण गरिएको छ।

७४ वर्षीय यादवलाई उनकी छोरी रोहिणी आचार्यले मिर्गौला दान गरेको भारतीय सञ्चारमाध्यमले जनाएका छन् । लामो समयदेखि मिर्गौला रोगबाट पीडित यादवको उपचार सिंगापुरस्थित माउन्ट एलिजावेथ अस्पतालमा सघन कक्षमा भइरहेको छ।

हाल यादवको सघन उपचार कक्षमा उपचार भइरहेको उनका छोरा तेजस्वी यादवले ट्वीटरमार्फत जानकारी दिएका छन् ।