नामिबियाले नेपाललाई दियो २७६ रनको लक्ष्य

२१ मंसिर, काठमाडौं । ‘आईसीसी क्रिकेट विश्वकप लिग टु’अन्तर्गत आज भएको खेलमा नामिबियाबाट नेपालले २७६ रनको लक्ष्य पाएको छ ।

टर हारेर ब्याटिङको निम्तो पाएको घरेलु टोली नामिबियाले निर्धारित ५० ओभरमा ७ विकेट गुमाउँदै २७५ रन बनायो । नामिबियाका लागि तेस्रो क्रमका ब्याटर माइकल भान लिङ्गेनको ११५ रनको शतकीय पारी खेले । उनले १११ बल खेल्दै १५ चौका र १ छक्का प्रहार गरे ।

नेपालका लागि स्पिनर ललित राजवंशीले सर्वाधिक ४ विकेट लिए । तीव्र गतिका बलर सोमपाल कामीले यस प्रतियोगितामा २ विकेट लिए । दोस्रो विकेटसँगै उनले एकदिवसीय अन्तर्राष्ट्रियमा ५० विकेट पूरा गरेका छन् । सागर ढकालले १ विकेट लिए ।