सर्वोच्च गएनन् चाेलेन्द्र, प्रवेश राेक्न भाेलि पनि धर्ना

२१, मंसिर, काठमाडौं । नियमित कामकाजका लागि सर्वोच्च अदालतमा फर्किने तयारी गरेका निलम्बत प्रधानन्यायाधीश चोलेन्द्रशमशेर जबरा आज सर्वोच्च गएनन् ।

संसद सचिवालयबाट महाभियोग निष्प्रभावी भएको पत्र पाएपछि बुधबार सर्वोच्च अदालतमा गएर हाजिर गर्ने उनको योजना थियो । तर महाभियोग टुंगो लागिनसकेको भन्दै नेपाल बारमा आवद्ध वकिलहरूको प्रवेश द्वारमै धर्ना दिएपछि उनी नगएका हुन् । धर्नाकारीहरुले जबरालाई छिर्न नदिन सर्वोच्च प्रशासनको पनि निर्देशन पाएका थिए ।

संसद् सचिवालयका महासचिव डा. भरतराजत गौतमले आजै मात्र जबरालाई उनीमाथि लागेको महाअभियोग निष्प्रभावी भएको पत्र दिएका दिएका थिए । अपरान्ह ४ बजेसम्म पनि जबरा नआएपछि धर्नामा बसेका कानून व्यवसायीहरु धर्नास्थलबाट ब्यानर झिकेर उठेका थिए । भोलि बिहीबार पनि धर्ना कार्यक्रम चल्ने उनीहरुले बताएका छन् ।

प्रधानमन्त्रीको सरकारी निवास बालुवाटारबाट चोलेन्द्रलाई सर्वोच्च छिर्न नदिनू भन्ने आदेश दिइएको थियो । ‘बालुवाटारको निर्देशनअनुसार गृहले प्रहरीलाई सर्कुलर गरिएको थियो ।

सर्वोच्चमा तनावको अवस्था आएपछि सरकारका प्रवक्तासमेत रहेका संचारमन्त्री ज्ञानेन्द्रबहादुर कार्कीले राणाविरुद्धको महाअभियोग प्रस्ताव जीवितै रहेको र नयाँ संसदमा छलफल हुने बताएका थिए ।

अघिल्लो संसदले जबरामाथि महाभियोग लगाएकोमा टुंगोमा नपुग्दै संसदको कार्यकाल सकिएपछि संसदमा छलफल विषय अलपत्र परेको छ ।  तत्कालीन अवस्थाका महाअभियोग सिफारिस समितिले जबरासँग निकै दिन लगाएर बयान समेत लिई प्रतिवेदन तयार पारेपनि संसदमा टेबुल गर्न नसक्दा अलपल परेको हो ।

राजनीतिक दलहरुले अब बस्ने नयाँ संसदले यसबारे छिनोफानो गर्ने बताएका छन् । तर केही कानून व्यवसायीहरुले भने महाभियोग उत्पत्ति गर्ने संसद नै नरहेपछि स्वतः निष्क्रिय भएको तर्क गरेका छन् । अहिले महाअभियोग नै विवादमा परेको छ । उमेर हदका कारण जबरा यसै साता अवकाश हुँदैछन् ।