उमाकुण्डमा आगलागीबाट एक घर नष्ट, १० लाख बराबरको क्षति

२२ मंसिर, रामेछाप । जिल्लाको उमाकुण्ड गाउँपालिका-७ भुजीमा बुधबार दिउँसो घर जलेर नष्ट भएको छ । घरमा जडित विद्युत् सर्ट भएर आगलागी हुँदा जीवन बसेलको घर जलेर खरानी भएको छ ।

आगलागीमा परी घरभित्र राखिएको अन्नपात, लत्ताकपडा, भाँडाकुँडा, नगद र सुनचाँदी जलेर नष्ट भएको उमाकुण्ड गाउँपालिका–७ भुजीका वडाध्यक्ष रुद्रमणि नेवारले बताए । आगलागीबाट करिब १० लाखबराबरको क्षति भएको प्रारम्भिक अनुमान गरिएको छ ।