संवैधानिक इजलासमा बढीमा ५ जनाले बहस गर्ने, सुनुवाइ आजै सक्ने तयारी

२३ मंसिर, काठमाडौं । वैधानिक इजलासमा सुनुवाई हुने प्रधानन्यायाधीश चोलेन्द्र शम्शेर जबराको महाअभियोग निष्प्रभावी निर्णयविरुद्धको रिट निवेदनमा बढीमा ५ जनाले बहस गर्ने भएका छन् ।

५० जनाको वकालतनामा परेको र बढीमा ५ जनाले बहस गरेर खाजा समयअगावै सक्ने तयारी गरिएको छ । संघीय संसदका महासचिव भरतराज गौतमले जबराको निलम्बन फुकुवाको पत्र यही मंसिर २१ गते दिएका थिए । त्यसविरुद्ध नेपाल बार एसोसिएसनका अध्यक्ष लगायतत पदाधिकारीहरुले सोही दिन सर्वोच्चमा रिट दायर गरेका थिए ।

रिट सुनुवाइका लागि कामु प्रप्रधान न्यायाधीश हरिकृष्ण कार्कीको नेतृत्वमा वरिष्ठतम् न्यायाधीश विश्वम्भर प्रसाद श्रेष्ठ, न्यायाधीशहरु ईश्वर प्रसाद खतिवडा, आनन्दमोहन भट्टराई र अनिलकुमार सिन्हा सदस्य रहेको संवैधानिक इजलास गठन भएको छ ।