चुनावलाई लगानी गर्ने र असुल्ने दोकान बनाइयाे : मुख्यमन्त्री भट्ट

२५ मंसिर, धनगढी । सुदुरपश्चिम प्रदेशका मुख्यमन्त्री त्रिलोचन भट्टले चुनाव लगानी गर्ने र लगानीको प्रतिफल असुल्ने माध्यम बनेको बताएका छन् । चुनावमा गरिने खर्च हेर्दा टिकट ल्याउनदेखि जित्नसम्म करोडौं खर्च गर्ने र जितेपछि त्यो असुली गर्ने दाउमा लाग्ने गरेको उनले बताए ।

धनगढीस्थित एक कार्यक्रममा बाल्दै मुख्यमन्त्री भट्टले भने, ‘चुनावमा करोडौं खर्च गर्ने उम्मेदवारले चुनाव जितेपछि समाजका लागि कसरी काम गर्न सक्छन्, उनीहरूले आफूले लगानी गरेको पैसा असुल्ने काम मात्र गर्छन्, अहिलेको चुनावी खर्चले त्यो सम्भावना झनै बढाएको छ ।’

पैसा नहुनेले अहिलेको परिस्थितिमा चुनाव लड्न सक्ने कुनै संभावना नै नरहेको उनले बताए । ‘गरिबले टिकटनै पाउँदैनन्, टिकट पाए पनि जितेको उदाहरण छैन’ उनले भने ।

आममतदाताले पनि पैसा पाए मात्रै भोट दिने गरेको मुख्यमन्त्री भट्टले बताए ।