धनुषा ४ मा पुनः मतगणना माग गर्दै यादव पुगे सर्वोच्च

२८ मंसिर, काठमाडौं । धनुषा क्षेत्र नं. ४ का नेपाली कांग्रेसका उम्मेदवार महेन्द्र यादवले पुनः मतगणनाको माग गर्दै सर्वोच्च अदालतमा रिट निवेदन दर्ता गराएका छन् ।निर्वाचन आयोगले सार्वजनिक गरेको मत परिणाममा असहमति जनाउँदै यादवले बुधबार सर्वोच्च अदालतमा रिट दर्ता गराए हुन् ।

रिटमा निर्वाचन आयोग, मुख्य निर्वाचन अधिकृतको कार्यालय धनुषा, जिल्ला निर्वाचन कार्यालय धनुषा , प्रमुख जिल्ला अधिकारी र एमाले उम्मेदवार महासेठलाई विपक्षी बनाइएको छ । रिट सर्वोच्च अदालतको संवैधानिक इजलासमा दर्ता भएको छ ।

सो क्षेत्रबाट नेकपा (एमाले)का उम्मेदवार रघुवीर महासेठ झिनो मतान्तर अर्थात १२४ बढी मतले विजयी भएका थिए । महासेठले ३२२३६ मत ल्याउँदा निकटतम प्रतिद्वन्द्वी यादवले ३२११२ मत ल्याएका थिए । यादवलाइ गठबन्धन दलहरूकाे समर्थन थियाे ।