कुकुरलाई तालिम दिने क्रममा ढलिन्र थाइ राजकुमारी

२९ मंसिर, बैंकक । थाई राजाकी जेठी छोरी बुधवार साँझ मुटुको समस्याबाट ढलेको थाइल्याण्डको शाही दरबारले जनाएको छ ।

राजा वजिरालोङ्कोर्नकी जेठी छोरी राजकुमारी बज्रकितियाभा उत्तरपूर्वी बैंककमा आफ्ना कुकुरहरूलाई तालिम दिने क्रममा ढलेको दरबारले जनाएको छ ।

४४ वर्षीया राजकुमाराीलाई तत्कालै नजिकैको अस्पताल लगिएको थियो । त्यसपछि उनलाई हेलिकप्टरबाट बैंकक लगिएको थियो जहाँ उनको उपचार भइरहेको छ ।

दरबारले हिजो राति उनको अवस्था ‘कुनै हदसम्म स्थिर’ भनी वर्णन गरेको छ । केही रिपोर्टहरूले उनको अवस्था धेरै गम्भीर रहेको सुझाव दिएका छन् । राजकुमारी बज्रकितियाभालाई थाइल्याण्डमा सिंहासनको सबैभन्दा प्रशंसनीय उत्तराधिकारीको रूपमा हेरिन्छ ।