विहारमा हुन लागेको चुनावका कारण बीरगञ्ज रक्सौल नाका शिल

२९ मंसिर, बीरगञ्ज । छिमेकी राष्ट्र भारतको विहार राज्यमा हुन लागेको नगर परिषद् निर्वाचनका लागि नेपाल–भारत नाका सिल गरिएको छ । आगामी पुष ३ गते अर्थात आइतबार त्यहाँ हुन लागेको प्रथम चरणको नगर परिषद्को निर्वाचनका निमित्त बिहीबार दिउँसोदेखि वीरगञ्ज–रक्सौल नाकासहित विहार राज्यसँग जोडिएका सम्पूर्ण नाकाहरु शिल गरिएको हो ।

पूर्व सूचना विनानै बिहिबार दिउँसोदेखि भारतीय प्रशासनले बीरगञ्ज–रक्सौल नाका अचानक सिल गर्दा स्थानीयहरुलाई सास्ती भएको छ । सवारीसाधन ओहोर दोहर नहुँदा दुवै तर्फका स्थानीय र नेपाल प्रवेश गर्न लागेको मालवाहक सवारीसाधन पनि फँसेको स्थानीयले गुनासो गरेका छन् । पर्साका सहायक प्रमुख जिल्ला अधिकारी भीमकान्त पौडेलका अनुसार भारतीय पक्षले आफूहरुसँग समन्वयनै नगरी नाका सिल गर्दा समस्या भएको हो । उनले आइतबार निर्वाचन सम्पन्न भएपश्चात मात्र नाका खोलिने जानकारी दिए ।

‘हामीलाई कुनै सूचना नै नदिइ भारतीय पक्षले दुवैतर्फबाट सवारीसाधन प्रवेशमा बिहीबार दिउँसोदेखि अचानक रोक लगायो । बीरगञ्जस्थित भारतीय महावाणिज्य दूतावाससँग समन्वय गर्दा ७२ घण्टा अगाडि बोर्डर शिल हुने भनेर सूचना प्राप्त ग¥यौँ । थप समन्वय गरेर नाकालाई केही घण्टाका लागि सहज गर्न आग्रह गरेका छौं । बिहीबार रातीदेखि आइतबार साँझसम्मका लागि पूर्ण रुपले बोर्डर बन्द नै रहनेछ,’ पौडेलले भने ।