एमाले गठबन्धनबाट बाहिरिएका अध्यक्ष यादवको अझै अलमल

१ पुष, काठमाडौं । सरकार गठनको समीकरणामा महत्वपूर्ण मानिएका जनता समाजवादी पार्टी (जसपा) का अध्यक्ष उपेन्द्र यादवले एमालेसँगको सहकार्य सकिएको जानकारी गराएको पनि लामो समय भइसेकेको छ । उनी र उनले नेतृत्व गरेको दल जसपाले कुन धार समाउछ भन्ने स्पष्ट नहुँदा  सत्ता गठबन्धन पनि पर्ख र हेरकै अवस्थामा छ ।

यादवले निर्वाचन समीक्षाका लागि पार्टीमा छलफल गराएका छैन् । जसपा अझै एमालेसँग छ भन्ने केही केन्द्रीय नेताहरुको भनाइले कुन दिशा तया गर्ने भन्नेमा उनी अझै अलमलमै रहेको देखिन्छ । यसअघि लामो समय सत्ता गठबन्धनमा रहेर सरकामासमेत सामेल बनेको उनको पार्टी यतिबेला आफैमा पनि दोधारमै देखिन्छ । गठबन्धनभित्र सिट बाँडफाँटमा कुरा नमिल्दा एमाले कित्तामा गएको जसपाले निर्वाचनमा अपेक्षित परिणाम हासिल पनि गर्न सकेन ।

निर्वाचनको नतिजा सार्वजनिक भएसँगै जसपा अध्यक्ष उपेन्द्र यादवले एमालेसँगको तालमेल सकिएको बताए थिए । उनले निर्वाचनका लागि मात्र तालमेल गर्ने सहमति भएकाले निर्वाचन सकिएसँगै तालमेल सकिएको समेत उल्लेख गरेका थिए । आमनिर्वाचनमार्फत् सत्ता गठबन्धनले नै नयाँ सरकार गठनको म्यान्डेट पाएपछि अध्यक्ष यादवको उक्त अभिव्यक्तिले राजनीतिक वृत्तमा जसपा कांग्रेस नेतृत्वको गठबन्धनमा सामेल हुने आंकलन धेरैको थियो ।

उक्त आंकलनलाई थप बल पुर्याउने अर्को कुरा अध्यक्ष यादवको आफ्ने हार पनि साँछी थियो । उनले एमाले गठबन्धनमा सामेल भएर पनि निर्वाचनमा पराजय भोगका थिए । जनमत पार्टीका अध्यक्ष डा. सिके राउतसँग भारी मतान्तरले पराजित भएका यादव एमालेप्रति रुष्ट बनेर सहकार्य तोडेको हुन सक्ने आंकलन धेरैको थियो । उनले अबको राजनीतिक धार प्रष्ट नगर्दा उनकै पार्टीमा पनि अन्योलता बढेको छ ।

जसपाकै अर्का नेता राजेन्द्र श्रेष्ठले आफूहरु एमालेको गठबन्धनमै रहेको बताएपछि नेताहरूबीचमै कुरा बाझिएको मात्र छैन् पार्टीभित्र भिन्नाभिन्नै धारको विकास भइरहेको विश्लेषणसमेत हुन थालेको छ । उनले मौनताले पार्टीमा पकड कमजोर भएको पनि भन्न थालिएको छ । बिहीबार निर्वाचन आयोगले राष्ट्रपति विद्यादेवी भण्डारीसमक्ष आमनिर्वाचनको अन्तिम परिणाम बुझाएको छ । योसँगै सरकार गठनको प्रक्रिया सुरु भइरहँदा जसपा कता लाग्छ भन्ने आम चासोको विषय बनेको छ ।

एमालेसँग गठबन्धन तोडेको घोषणा गरेका अध्यक्ष यादवले सत्ता गठबन्धनमा सामेल हुनेबारे ठोस निर्णय गरिसकेका छैनन् । सरकार गठनको प्रक्रिया सुरु भइरहँदा जसपा कता लाग्छ भन्ने आम चासोको विषय बनेको देखिन्छ । जसपा अहिले पनि एमालेकै गठबन्धनमा हो ? भन्ने प्रश्नमा जसपा प्रवक्ता मनिष सुमन हाल आफूहरू कुनै गठबन्धनमा नरहेको बताउँछन् । पार्टीले सहकार्यका लागि सबै बाटोहरू खुला राखेको बताउँदै उनले सरकार वा गठबन्धनमा सहभागी बन्न एजेण्डामा सहमति हुनुपर्ने बताए ।

’हामी अहिले कुनै गठबन्धनमा छैनौं । सहकार्यका लागि सबै बाटाहरू खुला छन् । तर, हामीले माग गरेका विषय र पार्टीका एजेण्डा जसले पूरा गर्न सघाउँछन् । हामी त्यता जान्छौं,’ उनले भने । उनले नेताहरूबीच निरन्तर भेटघाट छलफल चलिरहे पनि ठोस रूपमा कसैसँग सहमति नभएको बताए । प्रवक्ता सुमनले पार्टीभित्र कुनै फरक धार नभएको समेत दाबी गरे । पार्टीभित्र नेताहरू एकमत रहेको पनि दाबी गरेका छन् ।