निर्वाचन आयोगद्वारा समानुपातिक सांसदलाई प्रमाणपत्र वितरण

३  पुष, काठमाडौं । मंसिर ४ मा सम्पन्न भएको प्रदेश र प्रतिनिधिसभा निर्वाचन अन्तर्गत समानुपातिकबाट निर्वाचित सांसदहरुलाई प्रमाणपत्र वितरण गरिएको छ । निर्वाचन आयोगले प्रदेश र प्रतिनिधिसभा समानुपातिक तर्फबाट निर्वाचित भएका सांसदहरुलाई आइतबार प्रमाणपत्र दिएको हो ।

आयोगको केन्द्रीय कार्यालयमा प्रतिनिधिसभा र सातवटै प्रदेशसभाका सांसदलाई एकै स्थानबाट प्रमाणपत्र दिइएको हो । उनीहरुलाई निर्वाचन आयोगका सचिव गोकर्णमणि दुवाडीले प्रमाणपत्र प्रदान गरेका थियो । प्रमाणपत्र पाएका सांसदहरुलाई प्रमुख निर्वाचन आयुक्त दिनेश थपलियाले खादा लगाएर बधाई दिएका छन् ।

प्रतिनिधिसभामा ११० जना सामानुपातिकतर्फ निर्वाचित भएका छन् । प्रदेशसभा अन्तर्गत प्रदेश १ मा ३७, मधेशमा ४३, वाग्मती ४४, गण्डकी २४, लुम्बिनी ३५, कर्णाली १६ र सदूरपश्चिममा २१ जना समानुपातिकतर्फबाट निर्वाचित भएका छन् । प्रत्यक्षबाट निर्वाचन सांसदहरुले भने निर्वाचन अधिकृतको कार्यलयबाट प्रमाणपत्र पाएका थिए ।