प्रचण्डलाई प्रधानमन्त्री बनाउने कसरतमा यी पाँच नेता !

३ पुष, काठमाडौं । निर्वाचन आयोगले प्रदेश र प्रतिनिधिसभा निर्वाचको अन्तम नतिजा सार्वजनिक गरेपछि आगामी सरकारको नेतृत्व कसले गर्ने भन्ने चर्चा र चलखेल यतिबेला राजनीतिकको मूल विषय बनेको छ । प्रधानमन्त्रीको आश्वासनमा निर्वाचन अघि बनेका गठबन्धन भत्काउने र जोड्ने खेल पनि चलिरहेका छन् । तर, एकल सरकार बनाउने हैसितमा कोही पनि छैनन् ।

कांग्रेस नेतृत्वको सत्ता गठबन्धनमा प्रधानमन्त्रीका आकांक्षी धेरै भएपछि नेकपा माओवादीका अध्यक्ष पुष्पकमल दाहाल ‘प्रचण्ड’ यतापटिको प्रधानमन्त्रीको वार्गेनिङ कायमै राखेर विकल्पका रुपमा एमालेति ढल्किएका छन् । दुइ वर्ष अघि एमाले अध्यक्ष केपी शर्मा ओलीसँग कित्ताकाट गरेर कांग्रेसतिर आएका प्रचण्ड फेरी प्रधानमन्त्रीका लागि सम्बन्ध विस्तारमा जुटेका छन् ।

एमालेले पनि प्रचण्डलाई कांग्रेस नेतृत्वको सत्ता गठबन्धनबाट प्रचण्डलाई बाहिर निकाल्ने कसरत गरिरहेको छ । प्रचण्डलाई सत्ता गठबन्धनबाट बाहिर निकाल्ने ओलीको रणनीति केहो भन्ने अहिलेसम्म खुलेको छैन् । सरकार बनाउने विषयमा एमाले र कांग्रेसबीच पनि प्रस्तावहरु आदानप्रदान भइरहेकाले उनीमा एमालेको रणनीति यसै भन्न सकिने अवस्थामा छैन् ।

यद्यपी प्रचण्ड प्रधानमन्त्री कसरी हुने भन्ने विषयमा नै नेकपा एमाले र नेकपा माओवादीका नेताहरूबीच छलफल भलिरहकै छ । यसका लागि एमालेबाट उपाध्यक्ष विष्णु पौडेल, सुवास नेम्वाङ र उपमहासचिव पृथ्वीसुव्बा गुरूङ खटिएका छन भने माओवादीबाट उपध्यक्ष नारायणकाजी श्रेष्ठ र महासचिव देव गुरुङ खटिएकाछन् । छलफलमा एमाले पक्षको प्रचण्डले गठबन्धन छाड्नुपर्ने सर्त राखेको छ भने माओवादीले जसरी हुन्छ प्रचण्डलाई प्रधानमन्त्री ।

यस विषयमा केही दिनदेखि वार्ता चलिरहेको छ । एमालेका पोलिटब्युरो सदस्य महेश बस्नेतले पनि प्रचण्ड निवास खुमलटार पुगेका उनलाई भेटेका छन् । उनको भेटको आसय फरक भएको बताइन्छ । शुभकामनाकै लागि भएपनि एमाले नेतााको खुमलटार पुग्ने काम बाक्लिएको छ । एमाले उपाध्यक्ष बिष्णु पौडेलले प्रचण्डलाई भेटेर वाम गठबन्धनको लागि प्रयास पहल गर्नुपर्ने ओलीको सन्देश यसअघि नै पुर्याएका थिए । एमालेसँग आफुलाई प्रधानमन्त्रीमा सहमति गराउन प्रचण्डले श्रेष्ठ र गुरूङलाई बालकोट पनि पठाइरहेकै छन् ।

अहिले चलिरहेको दुई पक्षका नेताको छलफलमा माओवादीसहित एकीकृत समाजवादी र जनता समाजवादी पार्टीको पनि हिसाव राखिएको छ । माधव नेपाल नेतृत्वको नेकपा एस ओलीसँग मिल्छ या मिल्दैन यो पनि छलफलकै विषय छ । जसपा अध्यक्षले एमालेसँग नरहने बताएदै आएका छन् । उता, एमालेभित्रै अध्यक्ष ओलीको किचेन क्याविनेटमा पनि एकमत देखिएको छैन् । महसचिव शंकर पोखरले र प्रदीप ज्ञावाली लगायतका नेता अर्कै पक्षमा छलफल चलाइरहेका छन् ।

अध्यक्ष ओलीले माओवादीका नेताहरुले बाक्लो भेटघाट गरिरहेको अवस्थामा आगामी सरकारका लागि उनैले कांग्रेस सामू न्युतम राष्ट्रय एजेण्डामा सहमति गरेर जानुपर्ने र कांग्रेस नेतृत्वमा सरकार बन्दा एमालेको बाहिरि समर्थन रहने प्रस्ताव गरेका छन् । यो प्रस्ताव पनि एमाले नेताहरुले नै लगेका हुन् । अझै पनि सरकार बनाउने विषयमा एमालेले मुख खोलेको छैन् । ओलीको मौनतामा बनिरहेका यी दुई डिजाइनमध्ये कुन सफल हुने हो त्यो भने हेर्न बाँकी छ ।