दलको नेतामा सभापति देउवा र महामन्त्री थापाको उम्मेदवारी

५ पुष, काठमाडौं । नेपाली कांग्रेसको भोली हुने संसदीय दलको निर्वाचनमा दलको नेताका लागि पार्टी सभापति शेरबहादुर देउवा र महामन्त्री गगनकुमार थापाले उम्मेदवारी दिएका छन् । दुई उम्मेदवारबीच संसदीय दलमा प्रतिस्पर्धा हुने भएको छ । महामन्त्री थापा संस्थापन इतरसमूहका साझा उम्मेदवाार हुन भने संस्थापनबाट देउवाबाहेकको दावी रहेको थिएन् ।

सभापति देउवाको प्रस्तावकमा पार्टीका वरिष्ठ नेता रामचन्द्र पौडेल र समर्थकमा उपसभापति पूर्णबहादुर खड्का रहेका छन् । मनोनयनपत्रमा उनीहरूको हस्ताक्षरपछि उमेदवारी दर्ता गरिएको छ । यस्तै इतरसमूहबाट उम्मेदवार बनेका थापाको प्रस्तावकमा सो समूहका नेता डा. शेखर कोइराला बसेको छन भने उनको प्रस्तावलाई उपसभापति धनराज गुरङ र महामन्त्री विश्वप्रशका शर्माले समर्थन जनाएका छन् ।

नेपाली कांग्रेसको संसदीय दलको नेताका लागि संस्थापन इतरसमूहबाट साझा उम्मेदवार बनेका महामन्त्री गगन थापाको उम्मेदवारी दर्ता भएको छ । थापाको मनोनयनपत्रमा प्रस्तावक र समर्थकको दुवैले हस्ताक्षर गरिपछि दर्ता गरिएको हो । इतरमूहको बैठकमा महामन्त्री विश्वप्रकाश शर्मा पनि सहभागी भएर हस्ताक्षर गरेका हुन् । गत वर्षको महाअधिवेशनमा प्रकाशमान सिंह समूहबाट महामन्त्रीमा उम्मेदवारी दिएर निर्वाचित भएका शर्मा शेखर–गगन समूहको बैठकमा सहभागी भएपछि नयाँ माहोल सिर्जना भएको छ ।

महामन्त्री शर्माले संसदीय दलको नेतामा थापालाई जिताउन सबैसँग आग्रह पनि गरेका छन् । शेखर कोइरालाले कांग्रेस संसदीय दलको नेतामा महामन्त्री गगन थापालाई समर्थन गरेपछि शर्मा आएका हुन् । कोइराला प्रस्तावक र शर्माको समर्थनमा थापाले संसदीय दलको नेतामा देउवासँग प्रतिस्पर्धा गर्नेछन् । संसदीय दलको नेतामा थापालाई शेखर–गगन समूहसहित सिंह समूहको पनि समर्थन रहेको छ । थापालाई संसदीय दलको नेतामा निर्वाचित गराउने गरी उक्त समूह लागेको छ ।