समयको माग अनुसार संसदीय दलको नेतामा गगनलाई अघि सारिएको होः कोइराला

५ पुस, काठमाडौं  । नेपाली कांग्रेसका नेता डा. शेखर कोइरालाले नेताहरुको व्यवहारले समाजमा दलहरुप्रति देखिएको वितृष्णाबाट राजनीतिलाई बचाउन र नयाँ पुस्ताको माग सम्बोधन गर्न महामन्त्री गगन थापालाई संसदीय दलको नेताको रुपमा आफुले प्रस्ताव गरेको बताएका छन् । उनले राजनितिक स्थायित्व र रुपान्तरणका लागि युवा नेतृत्वलाई दिनु आजको माग र आवश्यकता दुवै भएको बताए छन् ।

मंगलबार थापाको संसदीय दलको नेताको प्रस्तावकका रूपमा कांग्रेस संसदीय दलको कार्यालय सिंहदरबार पुगेरका उनले पत्रकारहरुसँग कुरा गर्दै थापाले भनेजस्तै स्थायित्व र निरन्तरताका लागि आफ्नो समूहले गगन थापालाई संसदीय दलको नेतामा अगाडि सारेको बताए । उनले थापालाई संसदीय दलको नेतामा प्रस्ताव गर्नुका पछाडी आफ्नो कुनैपनि उदेश्य नरहको बताए । आगामी पार्टी सभापतिको सहमतिको विषयमा भोलिका दिनमा छलफल हुँदै जाने भन्दै यस विषयमा गगनले बोलिसकेकाले आफुले प्रष्ट्याउन आवश्य नभएको बताए ।

धरैले गगनप्रति उनले गरेको योगदान स्मरणीय भएको बताएका छन् । कोइरालाले दलको नेतामा गगनलाई प्रस्ताव गरे लगत्तै मंगरबार मध्यान्हसम्म उनको समुहमा खुलेर आउने सांसदहरुको संख्या पनि बढेको छ । नेता कोइरालाले ‘रुपान्तरणका लागि युवा पुस्ताको भरोसा गर्ने निर्णयसँगै कांग्रेसभित्र एकाएक नयाँ राजनीतिक परिदृश्य देखिएको छ ।

महामन्त्री गगन थापाले सहमतिको कष्टसाध्य यात्रा पार गरेर प्रधानमन्त्री तथा पार्टी सभापति शेरबहादुर देउवालाई भोलि संसदीय दलको चुनावमा आफ्नो समूहबाट एकल चुनौती दिनेछन् । आज सहमति जुटेसँगै अब इतर देउवा समूहसँग ३९ सांसद संख्या पुगेको छ । ८९ सदस्यीय कांग्रेस संसदीय दलमा नेता बन्न कम्तीमा ४५ मत ल्याउनुपर्छ । अंकगणितमा अझै केही पछि देखिए पनि गगन थापाको प्रस्तावक मात्रै नभई आम नागरिकको आशा आफूतिर आकृष्ट गर्न कोइराला सफल भएका छन् ।

आज सिंहदरबार सामुन्नेको होटल बसेरामा बसेको इतर देउवा पक्षीय बैठकमा गगन साझा उम्मेदवार बन्दै गर्दा अर्का आशा गरिएका नेता प्रदीप पौडेल पनि साथ दिन आइपुगेका थिए । झापामा चुनाव जितेलगत्तै संसदीय दलको नेतामा थापालाई प्रस्ताव गर्ने घोषणा गरेका महामन्त्री विश्वप्रकाश शर्मा साथमा रहेकै अवस्थामा यो समूहमा पौडेलको प्रवेश हुनु निकै अर्थपूर्ण छ । यो सँगै इतरसमूह झन बलियो बनेको छ ।