राष्ट्रपतिले आज ज्येष्ठ सांसद राणालाई शपथ गराउने

६ पुष,काठमाडौं । प्रतिनिधिसभाका जेष्ठ सदस्य पशुपतिशमशेर जबरालाई आज शपथ गराइने भएको छ । राष्ट्रपति विद्यादेवी भण्डारीले प्रतिनिधिसभाका नवनिर्वाचित ज्येष्ठ सांसद जबरालाई पद तथा गोपनीयतको शपथ गराउने कार्यक्रम तय भएको छ ।

राप्रपाबाट समानुपातिक सांसद बनेका राणालाई आज दिउँसो राष्ट्रपति भवन शीतल निवासमा शपथ गराइने छ । राणाको जन्म विसं १९९८ मंसिर २४ मा रहेको छ ।

सभामुखको चयन हुनुभन्दा अघि प्रतिनिधिसभाको अध्यक्षता गर्ने ज्येष्ठ सदस्यले अरू सदस्यलाई शपथ खुवाउनुपर्छ । राणाले बिहीबार दिउँसो १ बजे नयाँ बानेश्वरस्थित संसद् भवनमा नवनिर्वाचित सांसदलाई शपथ गराउने संघीय संसद् सचिवालयले जनाएको छ ।