स्मार्टफोन रियलमी १० प्रो प्लस फाइभ जी नेपाली बजारमा उपलब्ध

६ पुष, काठमाडाैं । स्मार्टफोन ब्रान्ड रियलमीको फ्ल्यागशिप लेबल कर्भ भिजन डिस्प्ले सहितको प्रिमियम स्मार्टफोन रियलमी १० प्रो प्लस फाइभ जी नेपालमा ल्याएको छ । मिडरेन्जको सबैभन्दा प्रिमियम मानिएको यो फोन कभ्र्ड भिजन डिस्प्लेको कारण पहिलै देखि बजारमा चर्चित छ ।

रियलमी नेपालका कन्ट्री हेड मुनिश गिरी भन्छन्, “रियलमी १० प्रो सिरिजको नयाँं सदस्यको रुपमा रियलमी १० प्रो प्लस फाइभ जीलाई नेपालमा ल्याउन पाउँदा हामी अत्यन्तै उत्साहित छौँ । रियलमी १० प्रो प्लस फाइभ जी यस सेग्मेन्टकै पहिलो स्मार्टफोन हो जसमा फ्ल्यागशिप लेभलको कभ्र्ड भिजन डिस्प्ले रहेको छ । एउटा ब्रान्डको रुपमा हामी जहिले पनि नयाँ-नयाँ प्रविधि युक्त उत्पादनहरु उपभोक्तामाझ ल्याउन प्रयासरत हुन्छौँ । र त्यसैको फलस्वरुप डिजाइन र टेक्नोलोजिको सर्वोत्कृष्ट संगमको रुपमा रियलमी १० प्रो प्लस फाइभ जी लाई बजारमा ल्याउन पाउँदा हामीलाई गर्व लागेको छ । रियलमी १० प्रो प्लस फाइभ जीले पनि अगाडिको फोनहरु जस्तै माया र विश्वास पाउनेछ ।”

रियलमी १० प्रो प्लस फाइभ जी यो सेग्मेन्टकै पहिलो फोन हो जसमा फ्ल्यागशिप लेबल १२० हर्जको कर्भड भिजन डिस्प्ले रहेको छ । त्यस्तै यसमा २१६० हर्ज पिडब्ल्युएमको डिमिङ रहेको छ । ९३.६५ प्रतिशत स्क्रिन-टु-बडी रेसियो भएको यो फोनको मोटाइ भने जम्मा २.३३ मिमि रहेको छ जसले गर्दा यो फोन अत्यन्तै स्लिम पनि छ । यो रियलमीको कभ्र्ड डिस्प्ले स्मार्टफोनमै सबैभन्दा न्यारो बटम बेजेल पनि हो । त्यस्तै गरी यो संसारकै सबैभन्दा पहिलो ओएलइडि डिस्प्ले हो जसले टियुभि रेनल्यान्ड फ्लिकर फ्री सर्टिफिकेट पनि पाएको छ ।

आकर्षक हाइपरस्पेस डिजाइन र अल्ट्रा-लाइट बडी भएको रियलमी टेन प्रो प्लसको तौल पनि जम्मा १७३ ग्राम रहेको छ । त्यस्तै यसमा ५००० एमएएचको शक्तिशाली ब्याट्रि रहेको छ जुन १७ मिनेटमै ५० प्रतिशतसम्म चार्ज हुन सक्छ । चिपसेटको कुरा गनुपर्दा यसमा डाइमेन्सिटी १०८० छन् । चिपसेट रहेको छ जसमा ६ न्यानोमिटरको हाइ एफिसियन्सी प्रोसेसर रहेको छ । त्यस्तै यसमा फ्ल्यागशिप लेभलकै १०८ एमपिको क्यामरा रहेको छ ।

नोनापिक्सेल टेक्नोलोजी युक्त यी क्यामराहरुले अत्यन्तै क्लियर तस्बिर लिन सक्छन । साथ-साथै यी क्यामराहरुमा सुपर ग्रुप पोर्ट्रेट, वान टेक, र स्ट्रिट फोटोग्राफि मोड ३.० जस्ता फिचरहरु छन् । जसले वाटरमार्क सहित एकदमै राम्रो तस्बिरहरु लिन सक्छन्।

आकर्षक हाइपरस्पेस गोल्ड रंगमा उपलब्ध रियलमीको अहिलेको बजार मुल्य ४६ हजार रहेको छ भने यसमा स्टोरेज अप्सन ८ जिबि+१२८ जिबि रहेको छ । शनिबारदेखि नेपालभरी उपलब्ध हुने यस रियलमी टेन प्रो प्लस फाइभ जी किन्ने ५० जना भाग्यशाली ग्राहकहरुले रियलमीको तर्फबाट एउटा सफारी ब्याग उपहारको रुपमा प्राप्त गर्नेछन् ।