त्रिभुवन अन्तर्राष्ट्रिय विमानस्थलमा सुडानी नागरिककाे साथबाट १९ किलो सुन बरामद

८ पुष, काठमाडौं । त्रिभुवन अन्तर्राष्ट्रिय विमानस्थलबाट १९ किलो सुनसहित एकजना सुडानका नागरिक पक्राउ परेका छन् । पक्राउ पर्नेमा सुडानी नागरिक मोहम्मद अहमद डफल्ला साराफेल्डिन रहेको भन्सार कार्यालयले जनाएको छ ।

शक्रबार फ्लाई दुबईको उडानमार्फत नेपाल आएका आरोपी मोहम्मदलाई त्रिभुवन विमानस्थल भन्सार कार्यालयका कर्मचारीले चेकजाँच गर्दा उनको साथमा रहेको लगेजमा उक्त परिमाणमा सुन फेला परेपछि पक्राउ गरिएको हो ।

उनीमाथि आवश्यक अनुसन्धान भइरहेको सुरक्षा स्रोतले जनाएको छ । सुन तस्करीको हुन सक्ने प्रहरीको अनुमान छ ।