गृहमा नारायणकाजीले पनि दाबी छाडेनन्

११ पुष, काठमाडौं । नवनियुक्त प्रधानमन्त्री पुष्पकमल दाहाल ‘प्रचण्ड’ नेतृत्वको सरकारमा नेकपा (माओवादी केन्द्र)(का वरिष्ठ उपाध्यक्ष नारायणकाजी श्रेष्ठले पनि गृह मन्त्रायमा दाबी गर्न छाडेका छैनन् ।

सरकारमा समर्थक तेस्रो दल रास्वपाका सभापति रबि लामिछानेले गृहमै दाबी गरिरहेका बेला श्रेष्ठले दाबी नछाडेका हुन् । सरकारको नेतृत्वको गरिरहेको दलले नै गृह चलाउनुपर्ने तर्क श्रेष्ठले गरेका छन् ।

प्रधानमन्त्रीका लागि गृह र अर्थ मन्त्रालय महत्वपूर्ण मन्त्रालयको रुपमा लिइन्छ । अर्थ एमालेले लिने भएपछि गृह आफैंसँग राख्नुपर्ने दबाब माओवादी केन्द्रका नेताहरुबाट प्रचण्डलाई परेको छ । अर्थ मन्त्रालय लिने गरी उपप्रधानमन्त्रीमा एमालेले पार्टीका उपाध्यक्ष विष्णु पौडेललाई सरकारमा टिमको नेतृत्व गर्दै पठाउने निर्णय एमालेले यसअघि नै गरिसकेको छ ।

गृहमा दाबी दोहोरो परेपछि आज श्रेष्ठ र लामिछानेलाई उप्रधानमन्त्रीमा आजै शपथ खुवाउने र मन्त्रालयको टुंगो भोलि गर्ने भएको बताइन्छ ।