नवगठित मन्त्रिपरिषद्को पहिलो बैठक बस्दै

११ पुष, काठमाडौं । नवगठित मन्त्रिपरिषद्को बैठक आजै बस्ने भएको छ । सोमबार साँझ साढे ६ बजे नवगठित मन्त्रिपरिषद्को पहिलो बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा बैठक बस्ने तय भएको प्रधानमन्त्री पुष्पकमल दाहाल ‘प्रचण्ड’को सचिवालयले जनएको छ ।

सोमबार शीतल निवासमा राष्ट्रपति भण्डारीले प्रधानमन्त्री दाहाल र ३ जना उपप्रधानमन्त्री र ४ जना मन्त्रीलाई शपथ ग्रहण गराएकी हुन् ।
प्रधानमन्त्री प्रचण्डको सिफारिसमा राष्ट्रपति भण्डारीले ८ सदस्यीय मन्त्रिपरिषद् गठन गरेकी छिन् ।

एमालेबाट विष्णु पौडेल, माओवादी केन्द्रबाट नारायणकाजी श्रेष्ठ र राष्ट्रिय स्वतन्त्र पार्टीका सभापति रवि लामिछाने उपप्रधानमन्त्रीमा नियुक्त भएका छन् ।

मन्त्रालयको जिम्मेवारी पछि तोक्ने गरी एमालेबाट दामोदर भण्डारी, ज्वालाकुमारी साह र राजेन्द्र राईलाई मन्त्री नियुक्त गरिउको छ । जनमत पार्टीका उपाध्यक्षसमेत रहेका अब्दुल खानले पनि मन्त्रीको शपथ लिएका छन् । उनले उद्योग मन्त्रालयको जिम्मेवारी पाएका छन् ।

उप्रधानमन्त्री तथा मन्त्रीहरूले राष्ट्रपति भण्डारीमा पद तथा गाेपनियताकाे शपथ लिएका छन् ।

सरकारमा सामेल दलहरुको अर्को बैठकले थप मन्त्रालयको भागबण्डा मिलाएर मन्त्रिपरिषद थप विस्तार गरिने भएको छ । प्रचण्ड ७ दलको समर्थनमा आइतबार प्रधानमन्त्रीमा नियुक्त भएका थिए ।