काठमाडौंमा डेरा जमाएर बस्ने तरखरमा सिके राउत

४ मंसिरमा भएको संसदीय निर्वाचनमा राउत नेतृत्वको दलले एक प्रत्यक्ष र पाँच समानुपातिक गरी ६ सिट  जित हासिल गरेकामा माओवादी केन्द्रका अध्यक्ष पुष्पकमल दाहाल ‘प्रचण्ड’ नेतृत्वको सरकारलाई समर्थन गरेको छ ।

उनकाे पर्टीबाट उपाध्यक्ष अब्दुल खान मन्त्री बनेका छन् । जनमत सरकारमा गएपनि सिके भने आफू मन्त्री बनेका छैनन् । तर थप मन्त्रालय पाउने संभावना पनि उत्तिकै छ । सरकारमा हस्तक्षेपकारी काम गर्नकै निम्ति पनि उनले काठमाडाैंमा बस्नु पर्ने भएका कारण डेराकाे खाेजीका लागेकाे बताइन्छ ।

अध्यक्ष राउतले आफू काठमाडौंमा घर/डेरा खोजिरहेको सामाजिक सञ्जालमार्फत जनाएका हुन् । ‘काठमाडौं बस्न डेरा/घर खोज्नै गाह्रो, आज पनि जाँदैछु,’ उनले ट्वीट गरेका छन् ।

उनले घ्याम्पेडाँडास्थित पाइलटबाबा आश्रमको फोटो समावेश गर्दै अगाडि भनेका छन्, ‘यस्तै डाँडाकाँडातिर बसौँबसौँ लाग्ने ।’