प्रदेश १ को मुख्यमन्त्रीमा माओवादीको दाबी, तर एमालेले नछाडने

१३ पुस, काठमाडौं । नेकपा (माओवादी केन्द्र)ले प्रदेश १ मा सरकारको नेतृत्वमा दाबी गरेको छ । बुधबार बसेको प्रदेश १ समितिको पदाधिकारी बैठकले सरकारको नेतृत्वमा दाबी गर्ने र त्यसनिम्ति अन्य दलहरुसँग छलफल अघि बढाउने निर्णय गरेको प्रदेश समितिका अध्यक्ष हर्कबहादुर नेम्वाङले जानकारी दिए ।

सरकार गठन र अन्य दलसँगको सहकार्यका लागि ३ सदस्यीय वार्ता टोली गठन गरेको छ । पार्टीका सचिव राम कार्कीको संयोजकत्वमा रहेको वार्ता टोलीमा इन्द्रबहादुर आङ्बो र हर्कबहादुर नेम्वाङ सदस्य छन् ।

माओवादी केन्द्रले हिजै मात्र आङ्बोलाई यो प्रदेशका लागि संदीय दलको नेताचयन भइसकेका छन् । पार्टीले भागबण्डामा यो प्रदेश पाएकोा खण्डमा आङबो मुख्य मन्त्री बन्नेछन् ।

बुधबार बिहान पार्टी अध्यक्ष समेत रहेका प्रधानमन्त्री प्रचण्ड र सरकारमा रहेका ठूलो दल एमालेका अध्यक्ष केपी शर्मा ओलीबीच भएको बैठकमा माओवादी केन्द्रलाई लुम्बिनी र सुदूरपश्चिम प्रदेशमा मुख्यमन्त्री दिनेबारे छलफल भएको छ ।

स्राेतका अनुसार प्रदेश १ मा एमालेले मुख्यमन्त्री नछाड्ने भएकाे छ । यहाँ एमालेले एक्लै बहुमत नजिक छ ।