सर्वोच्चले गर्यो स्टक एक्सचेञ्ज र ब्रोकरको लाइसेन्सविरुद्धको रिट खारेज

१३ पुष, काठमाडौं । धितोपत्र बजार सञ्चालन नियमवली र धितोपत्र व्यवसायी (धितोपत्र दलाल तथा धितोपत्र व्यापारी) नियमावलीको संशोधनविरुद्ध दायर रिट निवेदनलाई सर्वोच्च अदालतले खारेज गरेको छ । बुधबार बसेको सर्वोच्चको वैधानिक इजलासले उक्त रिट खारेज गरेको हो ।

बुधबार कायममुकायम कामु प्रधानन्यायाधिश हरिकृष्ण कार्कीसहित न्यायाधीशहरु ईश्वरप्रसाद खतिवडा, अनिलकुमार सिन्हा, डा. आनान्दमोहन भट्टराई र सपना मल्ल प्रधान सहभागी संवैधानिक इजलासले उक्त रिट निवेदन खारेज गरेको हो ।

नेपाल धितोपत्र बोर्डले धितोपत्र बजार (स्टक एक्सचेञ्ज) र धितोप दलाल व्यवसायी (स्टक ब्रोकर) को लाइसेन्स दिनेगरी धितोपत्र बजार सञ्चालन नियमवली र धितोपत्र व्यवसायी (धितोपत्र दलाल तथा धितोपत्र व्यापारी) नियमावलीको संशोधन गर्दै लाइसेन्सका लागि आवेदन आह्वान समेत गरेको थियो ।

बोर्डले नयाँ स्टक एक्चेञ्ज र स्टक ब्रोकरको लाइसेनस दिने प्रक्रिया अगाडि बढाएपछि अधिवक्ता अमृत खरेलले गत १६ कात्तिकमा दुवै नियमावलीको संशोधन खारेजीको माग गर्दै संवैधानिक इजलासमा मन्त्रिपरिषद लगायतलाई विपक्षी बनाइ रिट निवेदन दायर गराएका थिए ।