सुदूरपश्चिम प्रदेशमा शपथ हुँदै, ६ जनाले भातृ भाषामा शपथ लिने

१५ पुष, धनगढी । सुदूरपश्चिम प्रदेशसभा सदस्यको शपथ ग्रहण आज हुँदैछ । प्रदेशसभाको ज्येष्ठ सदस्यका हैसियतमा प्रदेश सांसद मानबहादुर रावलले अन्य ५२ जना सांसदहरुलाई शपथ गराउने भएका छन् । रावलले हिजै प्रदेश प्रमुख देवराज जोशीबाट शपथ लिइसकेका छन् । रावल अछाम १ (२) बाट निर्वाचित सांसद हुन् ।

बाँकी सांसदलाई रावलले शुक्रबार दिउँसो १ बजे सभा भवनमा पद तथा गोपनयिताको शपथ खुवाउँदैछन् । शपथपछि पनि सभामुख र उपसभामुखको निर्वाचन नहुन्जेलसम्म राउवले नै कार्यवाहक सभामुख भएर बैठकको अध्यक्षता तथा सभा बैठक सञ्चालन रावलले गर्नेछन् ।

नागरिक उन्मुक्ति पार्टीका ५ जना र नेपाली कांग्रेसकी समानुपातिक प्रदेश सभा सदस्य गीता चौधरीले मातृ भाषामा शपथ ग्रहणका लागि नाम टिपाएको प्रदेश सभा सचिवालयले जनाएको छ।

सुदूरपश्चिममा ३२ प्रत्यक्ष र २१ समानुपातिक गरेर ५३ सांसद छन् । जसमध्ये कांग्रेसका १९, माओवादी केन्द्रका ११, नेकपा एमालेका १०, नागरिक उन्मुक्ति पार्टीका ७, नेकपा (एकीकृत समाजवादी)का ४, राप्रपाका १ र १ जना स्वतन्त्र प्रदेशसभा सदस्य छन् ।