मधेश प्रदेश सांसदकाे शपथ सम्पन्न, दुई जनाले लिन पाएनन्

१५ पुष, जनकपुरधाम । मधेश प्रदेशको नवनिर्वाचित प्रदेशसभा सदस्य (सांसद)हरुले शुक्रबार पद तथा गोपनीयताको शपथ लिएका छन्। प्रदेशसभाका ज्येष्ठ सदस्य गोविन्दबहादुर न्यौपानेले नवनिर्वाचित प्रदेशसभा सदस्यहरुलाई शपथ ग्रहण गराएका हुन् ।

न्यौपानेले बाँकी रहेका प्रदेशसभा सदस्यहरुमध्ये १ सय ४ जना प्रदेशसभा सदस्यहरुले शपथ ग्रहण गराएका हुन् । सर्वोच्चमा मुद्दा परेका कारण नेकपा (माओवादी केन्द)्रका २ जना प्रदेशसभा सदस्यहरुको शपथ ग्रहण रोकिएको छ । शपथ रोकिनेहरुमा माला कर्ण र मोहम्मद रजी हैदर छन् ।

समानुपातिक सूचीमा दुवै जनाको नाम नरहेको भन्दै मुद्दा परेपछि सर्वोच्चले शपथग्रहण लगायत सांसदको भूमिका सहभागी नगराउन पत्र लेखेको छ । दुई जनाविरुद्ध परेको मुद्दामा सर्वोच्च अदालतले गत मंसिर २९ गते विरुद्धमा फैसला सुनाएको थियो ।