टेलिकमको ‘फाइभ जी’ परीक्षण रोकियो

१७ पुष, काठमाडौं । नेपाल टेलिकमले आजदेखि गर्ने भनिएको ‘फाइभ(जी सेवा’को परीक्षण स्थगित गरेको छ ।
पूर्वनिर्धारित तालिकाअनुसार टेलिकमले पुष १७ गतेदेखि यो सेवा परीक्षणमा लैजाने भनिएपनि ट्रायल रोकेको हो ।

टेलिकमले फाइभ(जीको परीक्षणको लागि आन्तरिक रुपमा तयारी अन्तिम चरण्मा पुर्‍याएपनि केही प्राविधिक विषयका कारण फाइभ(जीको ट्रायक स्थगन भएको प्रवक्ता शोभन अधिकारीले जानकारी दिए । फाइभजी चल्ने मोबइलको संख्या न्यून देखिएपछि स्थगन गरिएको जनाइएको छ ।

परीक्षण गर्न लागेको २६ सय मेगाहर्जमा चल्ने ५ जी डिभाइस स्थानीय बजारमा न्यून संख्यामा भेटिएकोले परीक्षण तत्कालका लागि स्थगित गरिएको उनले बताए ।

टेलिकमले १ जनवरी अर्थात पुष १७ गतेबाट फाइभ(जी परीक्षण गर्न भन्दै तयारी गर्दै आएको थियो । परीक्षणका लागि टेलिकमले उपकरण, प्रविधि जडानसहित जनशक्तिलाई तालिमसहितका तयारीका सबै काम पूरा भएको जनाएको छ ।

सामान्य मोबाइल इन्टरनेटभन्दा द्रुत हुने फाइभजी इन्टरनेट औद्योगिक, सेवामूलक, र उच्च व्यवसायिक क्षेत्रमा प्रयोग हुने उच्च डाटा सुविधा हो ।