प्रधानमन्त्री प्रचण्डले पुष २६ मा विश्वासको मत लिने

१८ पुष, काठमाडौं । प्रधानमन्त्री पुष्पकमल दाहाल ‘प्रचण्ड’ले २६ पुषमा विश्वासको मत लिने भएका छन् । यही पुष ११ गते प्रधानमन्त्रीको शपथ लिएका प्रचण्डले २६ गते विश्वासको मत लिने विषय संसदको कार्यसूचीमा राख्न संघीय संसदका महासचिवलाई पत्र पठाएका छन् ।

प्रचण्ड संविधानको धारा ७६ को उपधारा २ बमोजिम सात दलको समर्थनमा प्रधानमन्त्री बनेका हुन् । यसरी प्रधानमन्त्री बनेका व्यक्तिले एक महिनाभित्र विश्वासको मत लिनुपर्ने संवैधानिक व्यवस्था छ ।

नयाँ प्रतिनिधिसभाको पहिलो बैठक पुस २५ गते बाेलाइएकाे छ । संसद सुरू भएको भाेलिपल्टै प्रचण्डले विश्वासको मत लिन लागेका हुन् ।