सेनाका उपरथी शाहीलाई ब्यारेकमै बस्न निर्देशन

१९ पुष, काठमाडौं । नेपाली सेनाका उपरथी प्रेम शाहीलाई केही समय ब्यारेकमै बस्न निर्देशन दिइएको छ । उमेर विवादमा सर्वोच्च अदालतले शाहीकोा पक्षमा फैसला दिएपछि शाही हाजिर हुन मंगलबार नेनाको मसख्यालय जंगी अड्डामा पुगेका बेला सेनिक प्रहरीले नियन्त्रणमा लिएका थिए । नियन्त्रणमा लिएलगत्तै स्वास्थ्य परीक्षणका लागि वीरेन्द्र सैनिक अस्पताल छाउनी लगिएको थियो ।

तर सेनाका मुख्यालयले भने शाहीमाथि भ्रष्टङचार र संगठनको अनुशासन उल्लंघनबारे अनुसन्धान गर्न नियन्त्रणमा लिएको बताउँदै आएका छन् ।

यसपछि जंगी अड्डाले पनि शाहीमाथि आर्थिक अनुशासनको प्रश्न उठेपछि छानबिन र अनुसन्धानका लागि ब्यारेकमै रहन निर्देशन दिएको सैनिक प्रवक्ता कृष्णप्रसाद भण्डारीले बताए ।

विभिन्न जिम्मेवारीमा रहँदा उपरथी शाहीबाट आर्थिक अनियमिता भएको भन्ने उजुरी परेको र सोही आधारमा नियन्त्रणमा लिई जंगी अड्डाले छानबिन गरिरहेको बताए । उपरथी शाहीको सेवा अवधिसम्बन्धी अदालतको निर्णय र छानबिनसँग कुनै सम्बन्ध नरहेको पनि सेनाले स्पष्ट पारे ।

भोलि पुष २० गतेदेखि अवकाशमा जाने क्रममा रहेका उपरथी शाहीले जंगी अड्डा र रक्षा मन्त्रालयले आफ्नो अवकाश हुने मिति भन्दा एक वर्ष घटाएको परेको भनी अदालतमा निवेदन दिएका माग अनुरुप अदालतबाट अन्तरिक आदेश भएको थियो ।