एनआरएनए नन रेसिडेन्ट नेपाली एशोसिएसनले ‘कापी कोष’ का लागि एकल सांगीतिक साँझ सञ्चालन गर्ने

२० पुष, क्यालिर्फोनिया । एनआरएनए नन रेसिडेन्ट नेपाली एशोसिएसनले ‘कापी कोष’ का लागि एकल सांगीतिक साँझ सञ्चालन गर्ने भएको छ ।

नेपालका सरकारी बिद्यालयमा अध्यनरत स्कुले बालबालिकाहरुलाई निःशुल्क कापी र कलम वितरणको लागि आवश्यक कोष निर्माणको तयारी गरेको एनआरएनए नन रेसिडेन्ट नेपाली एशोसिएसन क्यालिर्फोनियाका अध्यक्ष माधव मरासिनीले जानकारी दिएका छन् ।

फागुनको पहिलो सातादेखि एकल सांगीतिक साँझको तयारी गर्ने अध्यक्ष मरासिनीले जानकारी दिएका छन् । आम दाजुभाई तथा दिदीबहिनीहरुलाई मिठो खानाको स्वादसहित कर्णप्रिय गीत सुन्दै बालबालिकाको शिक्षामा योगदान गर्न अध्यक्ष मरासिनीले आह्वान गरेका छन् ।

एनआरएनए नन रेसिडेन्ट नेपाली एशोसिएसनले शिक्षासहित सामाजिक क्षेत्रका विभिन्न कार्यक्रममा सहयोग गर्दै आइरहेको छ। शिक्षा, स्वास्थ्य, सञ्चार, खेल लगायतका क्षेत्रमा योगदान गरेकाहरुलाई पनि सम्मान गर्दै आइरहेको संस्थाले नेपालमा हुने विभिन्न सामाजिक कार्यका क्षेत्रमा आफ्नो सक्रिय सहयोग गर्दै आइरहेको छ।