अर्थमन्त्री नेतृत्वको कायदलले तयार पार्यो न्युनतम साझा कार्यक्रम

२२ पुष, काठमाडौं । उपप्रधान तथा अर्थमन्त्री विष्णु पौडेल नेतृत्वको कार्यदलले सात दल सम्मिलित सरकारका न्यूनमत साझा कार्यक्रम तयार पारेको छ । आज बसेको कार्यदलले न्यूनमत साझा कार्यक्रमलाई अन्तिम रुप दिएको हो । कार्यदलले उक्त कार्यक्रम शनिबार शीर्ष नेताहरू समक्ष पेस गर्ने तयारी गरेको छ ।

शीर्ष नेताहरूसमक्ष कार्यक्रम पेस गरेपछि सार्वजनिक गरिने बताइएको छ । बिहीबार बसेको कार्यदलको बैठकले न्यूनमत साझा कार्यक्रममा सबै दलका एजेण्डा समेटेने न्यनतम साझा कार्यक्रम बनाएको र त्यसलाई आज बसेको बैठकले अन्तिम रुप दिएपछि भोली शीर्ष नेताहरुलाई बुझाउने तयारी गरिएको कार्यदल सदस्य राष्ट्रिय स्वतन्त्र पार्टीका डा मुकुल ढकालले जानकारी दिए ।

न्युनतम साझा कार्यत्रमामा सबै दलका एजेण्डा समेटिएको बताइएको छ । कार्यक्रम जनमूखि भएको कार्यदलको दावी छ । यसलाई शीर्ष ताको तहमा फानल गराएर भोली शनिबार नै कार्यक्रम सार्वजनिक गर्ने तयारी गरिएको छ । कार्यक्रम अनुसार सरकारले नीति बनाएर कार्यान्यनमा ल्याउनेछ ।

सरकारको न्यूनतम साझा कार्यक्रममा पृथ्वी जयन्तीमा सार्वजनिक बिदा दिने प्रस्ताव समेटिएको छ । राष्ट्रिय प्रजातन्त्र पार्टी (राप्रपा)बाट कार्यदलमा रहेका महामन्त्री धवल शमशेर जबराले पृथ्वी जयन्तीमा सार्वजनिक बिदा दिनेसहित राप्रपाले उठाएका प्रस्ताव न्यूनतम साझा कार्यक्रममा समेटिएको जानकारी दिए ।

गत पुस १४ गते बसेको सत्ता गठबन्धन दलहरूको बैठकले न्यूनतम साझा कार्यक्रम तयार पार्न एमालेका उपाध्यक्ष विष्णु पौडेलको संयोजकत्वमा कार्यदल गठन गरेको थियो । कार्यदलका माओवादी केन्द्रका वर्षमान पुन, राष्ट्रिय स्वतन्त्र पार्टीका डा मुकुल ढकाल , जसपाका रकम चेमजोङ र राप्रपाका धवलशमशेर राणा छन् ।