मधेश प्रदेशमा जसपा संसदीय दलको नेतामा २ जनाको उम्मेदवारी

२५ पुष, काठमाडौं । जनता समाजवादी पार्टी (जसपा)को मधेश प्रदेश संसदीय दलको नेताका लागि लालबाबु राउत र सरोजकुमार यादवको उम्मेदवारी परेको छ ।

राउत र यादवको उम्मेदवारी परेको निर्वाचन समितिका संयोजक लालकिशोर साहले पुष्टी गरे । राउत पूर्वमुख्यमन्त्रीर यादव पूर्वसभामुख हुन् ।

अर्का मुख्यमन्त्रीमा दावेदार रहेका रामआशिष यादवले भने सरोजकुमारलाई समर्थन गरेका छन् । याे प्रदेशमा जसपाका १६ प्रदेशसभा सदस्य छन् । जो संसदीय दलको नेता चुनिन्छ, उही मधेश प्रदेशको मुख्यमन्त्री बन्ने पक्का जस्तै छ ।

मधेश प्रदेश सरकारको नेतृत्व जसपा र जनमत पार्टीले आलोपालो गर्ने सहमति सत्ता साझेदार दलका शीर्ष नेताहरुमा भएकोर साेही अनुसार पहिलो चरणमा जसपाले सरकारको नेतृत्व गर्नेछ ।