लखनउकाे बस दुर्घटनामा मृत्यु भएका तीनै जना नेपालीको सनाखत

२५ पुष, काठमाडौं । आइतबार बिहान भारतको लखनउमा एको यात्रुवाहक बस दुर्घटनामा ज्यान गुमाएका एक महिलासहित ३ नै जनाकाे नेपालीकाे पहिचान भएकाे छ ।

जिल्ला प्रशासन कार्यालय कैलालीका अनुसार मृत्यु हुनेमा टीकापुर नगरपालिका-१ का ४० वर्षीय ललित साउद, टीकापुरमै व्यवसाय गर्दै आइरहेका साेही वडाका ५५ वर्षीय चन्द्र साउद र २० वर्षीया निर्मला बोहराको मृत्यु भएको छ। दुर्घटनामा ज्यान गुमाउने अर्का व्यक्ति भने भारतीय चालक हुन् ।

भारतको गुजरातबाट नेपालको सीमावर्ती क्षेत्र पलियातर्फ आउँदै गरेको यात्रुवाहक बस सोमबार बिहान उत्तर प्रदेशको लखनउमा दुर्घटना भएको थियो । ६६ जना यात्रु सवारमध्ये ३ जना नेपाली र बसका चालकको ज्यान गएको थियो । दुर्घटनामा करिब डेढ दर्जन यात्रु घाइते भएको जनाएका छन् ।