प्रधानमन्त्रीलाई विश्वासको मत दिन संसदमा सबै आउनूः ओली

२५ पुस, काठमाडौं । नेकपा एमालेका अध्यक्ष केपी शर्मा ओलीले एमाले सांसदहरुलाई भोली पुष २६ गते संसदमा अनिवार्य उपस्थित भएर विस्वासको मत दिन निर्देशन दिएका छन् । उनले प्रधानमन्त्री पुष्पकमल दाहाल प्रचण्डलाई विश्वासका मत दिनका लागि अनिवार्यरुपमा उपस्थित हुन आफ्ना सांसदहरुलाई निर्देशन दिएका हुन् ।

संसद बैठक सुरु हुनुअघि सोमबार बानेश्वरस्थित संसद भवनमै बसेको संसदीय दलको बैठकमा दलका नेता केपी शर्मा ओलीले यस्तो निर्देशन दिएका हुन् । प्रधानमन्त्री पुष्पकमल दाहाल प्रचण्डले २६ पुसमा विश्वासको मत लिँदैछन् । भोलि अनिवार्य उपस्थित भएर प्रधानमन्त्रीको पक्षमा भोट हाल्न निर्देशन भएको एमालेका एक नेताले बताए । प्रधानमन्त्रीले विश्वासको मत पाउनेमा आफूहरु ढुक्क रहेको ओलीको भनाइ थियो ।