संसदमा शरदसिंह भण्डारीले भने- ‘हाम्रा नेता कार्यकर्ताले कहिलेसम्म जेलमा बस्नु पर्ने हो ?’

२५ पुष, काठमाडौं । लोकतान्त्रिक समाजवादी पार्टीका नेता शरदसिंह भण्डारीले अधिकार प्राप्तिका लागि गरिएका संघर्षमा होमिएका नेता कार्यकर्ताहरु अझै राज्यले जेलमा राखिराखेको भन्दै आपत्ति जनाएका छन् ।

सोमबारबाट सुरु भएको संघीय संसदकोा पहिलो बैठकलाई सम्बोधन गर्दै सांसद भण्डारीले मंसिरको ४ मा भएको आम निर्वाचनबाट संसदमा बहुसंख्य समूदाय र जनताको आवाज प्रतिध्वनि भएको बताएका छन् । टिकापुर घटनामा जोडेर राज्यले रेशम चौधरी लगायत मधेशका थुप्रै नेताहरुमाथि लगाइएको झुठा मुद्दा खारेजी र बन्दी रिहाइको माग गरे ।

उनले चुनावको बेला जनतामाझ् पुग्दा आशा र निरास दुवै देखिएको बताए । जनताले विकासको पक्ष र पूर्णअधिकारको लागि दलहरुलाई मत दिएको बताउँदै तराई क्षेत्रमा व्याप्त बनेको नागरिकता समस्या तत्काल समाधान गर्ने गरी नीति कार्यक्रम ल्याउन सरकारलाई सुझाव दिए ।
भ्रष्टाचार अन्त्यका लागि आफ्नो पार्टीले सरकारलाई सक्लो सहयोग गर्ने उनले बताए ।