भक्तपुरमा ग्यास विस्फोटबाट घाइते खतरामुक्त

२५ पुष । भक्तपुरमा साेमबार बिहान खाना पकाउने एलपी ग्यास विस्फोट हुँदा घाइते भएकी तारा घलेकाे स्वास्थ्य अवस्था खतरामुक्त रहेकाे बताएका छन् । सूर्यविनायक नगरपालिका-३ बालकोटमा ग्यास सिलिण्डर पड्केर तारा घले थपलिया घाइते भएकी थिइन् ।

भक्तपुर प्रहरीले जनाएअनुसार स्थानीय रामप्रसाद थपलियाको घरको बाहिरको भान्साकोठामा ग्यास सिलिण्डरबाट लिक भएर विस्फोट भएको हो । विस्फोटबाट रामप्रसादकी श्रीमती घले घाइते भएकी हुन् । उनको अवस्था सामान्य रहेको प्रहरीले जनाएको छ ।

विस्फोटबाट भान्साको वाल, सिसालगायत पार्किङमा रहेको गाडीको सिसामा समेत क्षति पुगेको भक्तपुर प्रहरी परिसरका सूचना अधिकृत राजु पाण्डेले जनाएको छ ।