चितवनमा श्रीमान्-श्रीमती मृत फेला, घटनास्थल पुग्याे प्रहरी

२६ पुष, चितवन । भरतपुर महानगरपालिका–२९ मा श्रीमान् श्रीमती मृत अवस्थामा फेला परेका छन् । सोही वडाको कार्यालय पछाडि खेतबारी भन्ने स्थानमा २८ वर्षीय प्रेम रानामगर झुण्डिएको अवस्थामा र उनकी श्रीमती २५ वर्षीया शान्ति रानामगर भुईँमा ढलेको अवस्थामा मृत भेटिएका हुन् ।

अहिले प्रहरीले घटनास्थल पुगेर अनुसन्धान र मुचुल्का उठाउने काम गरिरहेका छन् । घटनास्थलमा जिल्ला प्रहरी कार्यालयका प्रहरी प्रमुख एसपी नवराज अधिकारीको नेतृत्वमा टोली पुगेको छ ।

मृतक प्रेमबहादुरले श्रीमतीको हत्या गरेर आफू झुण्डिएर आत्महत्या गरेको हुनसक्ने प्रारम्भिक अनुमान गरिएको छ ।