अल्टिच्युड एयरको हेलिकोप्टर नियन्त्रणमा

२६ पुष, काठमाडौं । संखुवासभाको भोटखोला गाउँपालिकाको हटियामा अनुमति नलिइ निषेधित क्षेत्रमा हेलिकोप्टर उडान गरेको भन्दै अल्टिच्युड एयरको हेलिकोप्टरलाई प्रहरीले नियन्त्रणमा लिएको छ ।

सिधैं निषेधित क्षेत्रमा गएपछि प्रहरीले अल्टिच्युड एयरको ९ एन एएमएक्स कल साइन भएको हेलिकोप्टर मंगलबार नियन्त्रणमा लिएको प्रहरीले जनाएको छ ।

भोटखोला गाउँपालिकाको जेनेरेटर बोकेर काठमाडौंबाट उडेको हेलिकोप्टरले सिधै निषेधित क्षेत्र प्रवेश गरेको थियो । हेलिकोप्टरका पाइलट आनन्द थापालाई नियन्त्रणमा लिएर प्रहरीचौकी हटियामा राखिएको छ ।

हेलिकोप्टरले भोटखोला गाउँपालिकाको माक्पालुंगमा रहेको टेलिकमको टावर सञ्चालनका लागि जनेरेटर ल्याएको थियो । एयरलाइन्स कम्पनी र हेलिकोप्टर चालकलाई कारवाही प्रक्रिया अगाडि बढाइएको जनाएका छन् ।